جهز نفسك لرجل ادارى مدخل بيانات مستعد للعمل فى اى شركه

السلام عليكم ورحمه الله وبركاته 

فى هذا الموضوع هاتكلم معاكم بالعربى كده وبالعاميه وبالبلدى 

طبعا الموضوع ده نصائح لدخولك عالم العمل الادارى والجلوس على مكتب زى مابتتمنى 

وده موضوع اساسيات العمل الادارى 

اخطاء انا وقعت فيها شخصياً لا اريدك ان تقعوا فيها 

ومش عيب ان الواحد يتعلم 

مدخل بيانات 

هى اقل الاعمال الادرايه ..... لكن فى الاخر هى عمل ادارى ( مكتب ) 

فى ناس مش عايزه تشتغل الا على مكتب 

والله العظيم هو عمل شاق ومتعب ومسئوليه كبيره ومرهق 

وله عيوبه زى ماليه مميزات 

زيه زى اى شغل تانى 

ندخل فى الموضوع 

عشان تجهز نفسك للدخول الى عالم العمل الادارى 

اولا ... لازم تكون فاهم كمبيوتر كويس وبتتعامل معاه 100% 

ثانياً ... الانترنت , مش لازم تكون محترف بس لازم تكون فاهم 

دول اساسيات 

كمبيوتر وانترنت 

ندخل بقى على اهم برامج لازم تتعلمها كويس قووووى عشان تدخل المجال ده 

وطبعا تعليمهم مش صعب خالص والله 

لاما هاتخد كورسات عشان تاخد شهاده تقول انك متخصص 

لاما هاتحمل كورسات وطبق عليها عملى من اليوتيوب 

وطبعا اليوتيوب هو كنز الكورسات والتعليم الذاتى 

البرامج دى هانبدئها بمجموعه برامج مترابطه 

وهى  ( مايكروسوفت اوفيس ) 

وهى مجموعه برامج اداريه لاغنى عنها فى اى شركه او حتى محل او اى مشروع حتى ولو خاص بيك فكده كده لازم تتعلمهم لنفسك ولشخصك ولتحسين مستواك

وماتقولش انا فاهم فيهم 

لازم تكون مبدع ومحترف 

عشان انا كنت فاهم فيهم لكن مكنتش محترف .... ودى كانت مشكلتى 

مجموعه البرامج دى اهمها 

الوورد - والاكسيل 

الوورد 

الاكسيل 

دول اهم برنامجين لازم تتعلمهم كويس قوووووووووووووووووى 

وتكون محترف فيهم 

وتقدر تتعلم كل برنامج فيهم فى يوم بلا اى مبالغه 

تبحث عن الدروس على اليوتيوب وتابع كويس قوى وتقفل على نفسك وتطبق عملى على جهازك 

تبحث على اليوتيوب بـــ

كورسات مايكروسوفت اوفيس

دروس وورد

دروس اكسيل

احتراف الاكسيل

دوره تعلم الوورد او الاكسيل 

ابحث زى ماتحب بس طول الاشهر والافضل 

ندخل بقى على الانترنت

مفيش شركه تخلوا من اميل ( الجيميل ) 

اللى بتراسل وترسل وتستلم عليه رسائل شغلها من العملاء والشركات 

ده غير الدعايه عليه والتسويق 

**************************************************

وكمان اميل ( انفو ) او اوتلوك 

ده بيبقى اميل مدفوع غير مجانى 

تقدر تدخل تقرء عنه وتتعلمه على اليوتيوب سهل جدا ولكنه مهم 

***********************************************

ولازم تتعلم كمان التعامل مع ملفات ال ( PDF )

وهى ملفات مشهوره للكتابه ولكن محكمه ومغلقه 

لازم تتعلم طريقه التعامل معاها والتعديل عليها وتصميمها سهل جدا لكن لابد من تعلمها 

لو اتعملت كل ده فى شهر واحد يبقى انت 100-100

وكده تقدر تقدم بخبرتك فى اى شركه وقلبك جامد وتستلم شغلك وتنفذه بنجاح وثقه دون اى قلق او توتر 

الشركات مش لسه هتجرب فيك

او هاتعلمك

الشركات دائما عايزه الراجل الجاهز اللى هايفيدها وينجز شغلها 

فخليك جاهز 

وعشان تبقى عارف كل ده 

لازم تتعلم ازاى تطبع منهم كلهم على البرنتر او ماكاينه التصوير 

تمام كده 

يارب اكون افدتكم بالبلدى كده 

الدعاء لامى وابى رحمهما الله 

اتمنى لكم التوفيق 

شريف ريكا