مش لازم تقعد على مكتب عشان تشتغل___ حرر فكرك وقيودك

السلام عليكم ورحمه الله وبركاته 

اهلا بيكم اعضاء ومتابيعن مدونه 

( علم نفسك )

فى موضوع انهارده بنقدم ليكم نصيحه 

لتحرير فكرك من انك لازم تقعد على مكتب 

فكرك ده بيقيدك وهايحبطك وهايخليك واقف مكانك مابتعملش اى حاجه 

سواء كنت صاحب شهاده جامعيه او مؤهل متوسط 

خليك عملى وواقعى 

سيب الافكار المريضه واتخلى عنها 

نفض الغبار من راسك 

صدقنى شغل المكاتب مش مريح زى ما انت فاكر 

شغل المكاتب متعب ومرهق فكريا وعقليا وغلطته كبيره جدا 

انا مش بقول انه شغل سىء لاء

لكن ماتوقفش نفسك عنده وانت مش لاقيه

شغل المكاتب يضعف النظر ويتعب الظهر لقله الحركه وطول وقت الجلوس على الكرسى وامام شاشات الكمبيوتر 

زيه زى اى شغل تانى له مميزاته وعيوبه 

اتعلم واشتغل اى حاجه ممكن تقابلك وتواجهك 

ماتقولش مااعرفش 

قووول ان شاء الله هاعرف 

محدش بيتولد عارف كل حاجه 

اتعلم وجرب واشتغل وحب شغلك 

وماتقولش عيب - ماينفعش - ازاى