السلام عليكم ورحمه الله وبركاته
متابعين مدونه (( علم نفسك )) المدونه التى تهتم بنشر النصائح العمليه والارشادات والافكار والاخبار
المدونه التى تسعى لنشر العلم وتتحدى الظروف الصعبه والبطاله بنشر أفكار وخبرات الغير
بعد غياب طويل عن التدوين بسبب مرضى (( الحمد لله ))
عدت لكم بتدوينه من تجارب سابقه تحدت نفسها وتحدت الظروف
مفيش شغل !!! مفيش غير واسطه وفلوس !!!
اتحدى نفسك واتحدى الظروف واكتسب خبرات فى مجالات مطلوبه بالفعل فى سوق العمل ولاتضيع وقتك فيما لايفيد
كن معلم نفسك وعلم نفسك وهو ده شعار مدونتنا
علم نفسك وماتخفش ولاتصعبها على نفسك
(( اصحاب الدبلومات ))
كن اقوى وتطور بنفسك وارفع من خبراتها وشأنها
ضع خطه لك وحدد شىء تتعلمه حتى الاحتراف والاتقان للنهايه
تعلم (( الفوتوشوب والتصميمات ))
واختار مجال تتقنه فيه سواء تصميمات دعايه واعلان او تصميمات تجاريه ومطبوعات او تصميماتسوشيال ميديا ومواقع او حتى تعديل الصور وتركيبها
تقدر تشتغل حر على مواقع العمل الحر , تقدر تشتغل فى مطابع ودار نشر , تقدر تشتغل فى كاتب وشركات خدمات رجال الاعمال
تقدر تفتح مشروع لنفسك لتصميم البنارات الدعائيه واليفط المطبوعه وقوائم اسعار المطاعم والكافيهات والشركات
تقدر تشتغل فى تصميم الكتالوجات والكتب والاغلفه , تقدر تشتغل فى استديوهات تصوير
ادخل على اليوتيوب واستغله فى التعليم الذاتى الفعال 100فى ال 100 واستفدت منه انا شخصياً
اليوتيوب كنز من كنوز الانترنت بعيد عن الترفيه والوقت الضائع والتفاهات
حدد لنفسك ميعاد ووقت للتعليم ابدء بالممارسه والتعرف على البرنامج , ماتخفش وبوظ صور واخرب شغل
اتعلم من الاخطاء , افهم كل حاجه بتعمل ايه , وخد فرع فرع اتعلمه للنهايه باتقان
ولما تنتهى من اتقان شىء وتعلمه واحترافه , ساعتها هاتعتز بنفسك جدا وهاتقتدر تعرض شغلك وتعرض نفسك بقوه
بخبرتك وقوتك فى اداء الشغل
ان شاء الله فى التدوينه القادمه هاقدم ليكم افضل المواقع والقنوات لتعليم الفوتوشوب بجميع فروعه واختصاصاته العمليه
هاقدم ليكم مواقع تحميل جميع الخامات المستخدمه فى التصميمات التى لايستغنى عنها اى مصمم سواء محترف او مبتدىء
ادعوا لى بالشفاء وبالرزق , وادعوا لوالدى بالرحمه والمغفره
شارك التدوينه والمدونه وفيد غيرك
ممكن اكون مش من اقوى المدونات , ولكنى اعتقد انى اقدم شىء مفيد للغير بسبب معاناتى الشخصيه الطويله والكبيره وحظى السىء
السلام عليكم
0 التعليقات:
more_vertsentiment_satisfiedوجوه التعبير